方向...在那裏?

 

冇乜點解，想轉就轉

 

RSS 幾好用，唔知係乜就要去睇睇 http://en.wikipedia.org/wiki/RSS_(file_format)

當大家都用左RSS 同 RSS reader之後，咁就好便知道人家的blog幾時有update，集中係一版度知道晒，非常方便。

Blogger.com 條feed 係叫 [Atom] ，係果版右邊，唔難找。

      不知不覺間，八天的北海道之旅終於結束。八天這麼長的不在港生活，係我的第一次。身在異地，人生路不熟，語言不順的溝通，雖然不便，但沒有減卻在異地生活的嚮往。讓我有機會再慢慢分享。十點機返到香港，回到家也十二點多了。不過，還要unpack 野，處理手信，check 下email，都要成三四點先有得睏。本來，打算明天如常返工，因為都想像到，無論工作上，還是其他方便，都要時間去pick up。不過，無奈太倦了，到最後，還是決定中午先回公司。

      回到香港這個熟悉的地方，不知為何，感覺又有點陌生。雖然每步路，每個街角，每條巴士線，都非常本能地清楚。但定下來留心看看，又會發覺，其實又頗新鮮，或者，係我平日沒多留意身邊的每一件事物。到外國旅行，相機同記事簿必定係旁身之物。每一餐，甚至每個路旁的得意物，都必定係拍下來的目標，而每樣事物的睇法感覺，又會記下來，讓日後自己有得再三回味。

     經歷過，就會有所改變，有所成長，這句話，真的不錯。偶然走開一點，再望回來，讓自己想想，又有一番的體會。

      渣打馬拉松還有幾天就到，心想著，五點八開跑，半夜三點幾就要出門口，天寒地凍，認真攞命。見自己都冇練習好一排(其實自毅行者後，就懶下來，少運動)，係同事慫恿下，終於琴晚來個早睏，今早來個晨操。早上五點幾就起身，六點就從樓下開始跑，先跑去吉之島，再折回沿林村河跑去海濱公園，再折回沿林村河跑去太和，再跑返屋企。這樣剛用左一個小時，返屋企用Google Earth 一量，差不多有九公里了。慢慢的跑，沒有過急也有這樣的成績，想信周日應該不是問題。

      今早跑出去時，天還是黑的，但已有晨運的長者。起初還是寒，不過慢慢就暖起來，風褸也不用，一件長袖的薄衞衣就夠了。跑到海濱公園盡頭，天也開始光了，由黑漆漆的，慢慢東方有點發紫，再而深藍，由於雲厚，看不到金光，整個天也只是灰蒙起來。車開始多，人也開始多。因為都差不多七點了，見到的大都是上班的人。係林村河，不是都見到小白鷺成群飛過，有些高空滑過，有時就河面低飛，再陸陸續續咁空降於河畔的樹梢上，想信係等待早餐的時間。這個地方，開始熱鬧起來。

      的確，如果有這個不怕辛苦，早起跑步的習慣真好，不過，首要條件係早睏，相信都很難。跑完步，沖個涼再返工，份外精神。

 

     今日係情人節，可能太近農曆新年，所以覺得它係突然彈出來似的。唔似上年，要去費心，買花想節目，故又樂得清閒。係公司車上，樂於討論今天office 會有多人收花，討論著情人節的得意事。放工後，街上的情侶出雙入對，抱著一束束的鮮花。看著，都不禁起著會心的微笑。要記住，緣份得來不易，一定要去珍惜，不要去呈一時之快，說了令人傷心的說話，更不要自私，只顧著自己的感受，不斷的索求。那麼，每一天都會係你地的情人節，快樂幸福。

    諗諗下，都好多年未行過年宵花市了，今年興起，就跟住班行山camp 友，係呢個大除夕，去左旺角花墟公園的花市。雖然今年異常地凍，得番七八度而且仲落毛毛雨，好唔方便，但呢度都好熱鬧，十一點幾了，都係要迫。好彩有魚肉呢個地膽，我地先至唔駛由正路繞大圈，打蛇餅咁入。入到去，都係主力迫乾貨幾三行。呢度冇人流方向管制，所以更加迫。不過，點都要找些野買下。新一年係鼠年，所以好多同鼠有關的物品，不過，都離不外cushion 同吹氣玩具。不過，最後我都係買左個得意，但同鼠冇關的雪豆菇cushion。
    因為一時大意，行左正路離開，所以要困係人潮，慢慢咁蠕動。幾經辛苦先落番旺角。坐左陣cafe，諗住一陣去掃街，點知市政好多，平時好旺的地方，冷冷清清。雖然最後係登打士街找到攤檔，不過就冇乜好食了......可惜。

     今晚，大埔得番八度，本來琴晚都仲夠暖的衫，今晚就力有不遞。在加上毛毛的細雨，跑到街上，都不禁快行幾步，鑽進商場裏。仲記得早前造冬(冬至)，那還可以t-shirt 加件薄外衣，當時新聞報導，還有人著短袖衫添。俗語話，"造冬唔凍過年凍"，而家諗番，都有八九成似了。

    除左香港，大陸多個省份都持續寒冷，還有雨雪，情況更係十年未遇，嚴重影響交通運輸，電力網絡。而廣東對上的湖南省，更係受災省份之一，所以都唔好話唔關我地事。係廣州火車站，就有成十五萬人滯留。相信，呢類的新聞，還會不斷咁聽到。

    新聞轉述，科學家相信與"拉尼娜"現象有關(LaNina) ，簡單講，就係東太平洋大範圍水溫持續下降，這種現象，會引致中國沿海地區降雨量增加。而拉尼娜現象亦會另到冬天的冷空氣活動加劇，所以造成而家的情況。(http://news.sina.com/102-000-101-101/2008-01-25/1048458516.html)

   

 

    都好耐冇落街跑步了。本來定左今早(周日)跑步，但最後也拖到下午才動身。坦白說，我本身不太熱愛跑步，太悶了，再加上有膝患，更加不敢胡亂來。要我跑十公里，我也不太願，反而叫我行山，行幾十公里，我卻奉陪到底。不過，見自己既然報左渣打10km ，而自已自鳳凰盃後沒多運動，最終都落街跑了轉。四點幾，天陰陰的，有些許涼意，不過要來跑步就最舒服，唔駛曬又唔怕大汗疊細汗嘛。停在咁耐跑番，都係小試一下，由屋企跑到海濱公園尾，再沿河跑到近太和再折回(回家用google earth把尺一拉，就知跑在六公里)，時間就用左40mins。在想，想一個小時跑完10km ，的確要再落些苦功。

    岔開一講，google earth 真係幾好玩，足不出戶就可以睇到其他地方的模樣、地理，紫禁城、白宫、巴拿馬運河、東京城，話咁快就睇到，甚至係船隻巴士都可以見到，而家仲有會找到該地方的wiki 及相片介紹，突然間，世界變到細少了，大家的距離拉近了。試想下，你有個朋友去左外國讀書或工作，用google earth你就可以睇到佢生活的地方係點樣，有冇公園係附近，鄰居有冇草地都知道。不過，有點可惜就係google earth update 比較慢，你見到的可能係一二年前的樣了。

    話說回來，周六日的海濱公園，以及林村河兩岸的路，都份外多人，踏單車的，放狗的，跑步的，買完餸的，咩都有。不過，有點可惜的是，沒有一個大的草地係俾狗進入，如果唔係，d 狗仔一定開心死，喪跑唔停。希望大埔第時都會有個狗公園。

係facebook 度加左個MirrorBlog 的application，想睇下如果我係呢邊add post，有冇計notice 到facebook 果邊。

另外，有邊個有facebook account 又冇add 我架，可以add 我。